1. བོད་ཀྱི་མདུན་ལམ་བཞུགས་མོལ་ལྷན་ཚོགས་ཐེངས་བཞི་པ་རྡ་རམ་ས་ལར་ག་དུས་ཚོགས་རྒྱུ་རེད་དམ།
སྤྱི་ལོ་ ༢༠༢༣ ཟླ་ ༡༡ ཚེས་ ༥ ནས་ ༡༠ བར་རེེད།
2. ཚོགས་འདུ་ཚོགས་སའི་ས་ཆ་གང་དུ་རེད་དམ།
ཚོགས་འདུའི་ཐོ་འགོད་ཀྱི་བྱ་རིམ་གྲུབ་རྗེས་ང་ཚོས་ས་གནས་སོགས་ཀྱི་ཞིབ་ཕྲའི་གནས་ཚུལ་གློག་འཕྲིན་བརྒྱུད་ནས་གཏོང་གི་ཡིན།
3. བོད་ཀྱི་མདུན་ལམ་ཟེར་བའི་ལས་འགུལ་འདི་གང་རེད་དམ།
བོད་ཀྱི་མདུན་ལམ་སྐོར་དྲ་ཐོག་འདིར་གཟིགས་རོགས། https://future-of-tibet.org/home/%e0%bd%84%e0%bc%8b%e0%bd%9a%e0%bd%bc%e0%bd%a0%e0%bd%b2%e0%bc%8b%e0%bd%a6%e0%be%90%e0%bd%bc%e0%bd%a2%e0%bc%8d/
4. བོད་ཀྱི་མདུན་ལམ་བཞུགས་མོལ་ལྷན་ཚོགས་ཀྱི་དམིགས་ཡུལ་གང་རེད་དམ།
བོད་ཀྱི་མདུན་ལམ་བཞུགས་མོལ་ལྷན་ཚོགས་ཀྱི་དམིགས་ཡུལ་ནི་ཕན་ཚུན་བགྲོ་གླེང་དང་སྦྱང་བཤད་བརྒྱུད་བོད་ཀྱི་མ་འོངས་པའི་གནས་སྟངས་གང་འདྲ་ཞིག་ཡོང་སྲིད་པ་དང་། དེ་དག་ལ་ང་ཚོའི་ངོས་ནས་གདོང་ལེན་དང་གྲ་སྒྲིག་གང་འདྲ་བྱེད་དགོས་པའི་ཐབས་ཇུས་གྲ་སྒྲིག་ཡོངཐབས་བྱ་རྒྱུ་དེ་ཡིན། ལྷན་ཚོགས་སྐབས་ང་ཚོས་ཨ་རིའི་རྒྱལ་སའི་ཁུལ་དང་། ཧྥ་རན་སིའི་རྒྱལ་ས་ཕེ་རི་སི། ཨ་རིའི་ནིའུ་ཡོག་སོགས་སུ་ཚོགས་པའི་སྐབས་ཀྱི་དགོངས་འཆར་ཁག་ཡང་བསླེབས་ཐབས་བྱ་རྒྱུ་ཡིན།
5. ཚོགས་བཅར་བའི་གྲངས་ཚད་གཏན་ཁེལ་ཡོད་རེད་དམ།
ཚོགས་བཅར་བ་གྲངས་ ༡༠༠ ལ་གོ་སྐབས་བསྐྲུན་ཐབས་བྱ་རྒྱུ་ཡིན།
6. ངས་ཚོགས་འདུར་མཉམ་ཞུགས་ཆེད་ཐོ་འགོད་གང་འདྲ་བྱེད་དགོས་སམ།
ཚོགས་འདུར་མཉམ་ཞུགས་གནང་རྒྱུ་ཡིན་ཚེ་དྲ་ཐག་འདིའི་ཐོག་ནས་འགེངས་ཤོག་སྐོངས་རོགས། https://forms.gle/hs8dA26ZG5ym5iCM9
འགེངས་ཤོག་བསྐངས་པ་ཙམ་གྱིས་ཐོ་འགོད་ཟིན་པ་མིན་པས་དགོངས་འཇགས་གནང་རོགས། ལྷན་ཚོགས་འདི་དམིགས་ཡུལ་བཞིན་གྲུབ་འབྲས་ལྡན་པ་ཡོང་ཆེད་དུ་ཚོགས་བཅར་བའི་གྲངས་ཚད་ལ་གཏན་འབེབས་ཡོད་པ་མ་ཟད། ཕོ་མོ་དང་། རྒན་གཞོན། ལས་རིགས། ཉམས་མྱོང་། ལྟ་གྲུབ་སོགས་མི་འདྲ་བའི་མི་སྣ་གང་མང་མཉམ་ཞུགས་ཐུབ་པར་འབད་བརྩོན་ཞུ་རྒྱུ་ཡིིན་པས། ང་ཚོས་སྤྱི་ཟླ་ ༩ ནང་ཁྱེད་ལ་གློག་འཕྲིན་བརྒྱུད་ནས་ཚོགས་ཞུགས་ཐུབ་མིན་བརྡ་ལན་ཁ་གསལ་འབུལ་རྒྱུ་ཡིན།
7. ཚོགས་འདུའི་སྐབས་སྐད་ཡིག་ག་རེ་བེད་སྤྱོད་བྱ་རྒྱུ་རེད་དམ།
བོད་སྐད་དང་དབྱིན་སྐད།
8. ང་བོད་པ་མིན་པས་ཚོགས་འདུར་མཉམ་ཞུགས་བྱས་ན་འགྲིག་གི་རེད་དམ།
དགོངས་འགལ་མེད་པ་ཞུ། ཚོགས་འདུ་འདི་བོད་པ་གཅིག་པུར་དམིགས་པ་ཞིག་ཡིན་པས་དགོངས་བཞེས་གནང་རོགས།
9. ཚོགས་བཅར་བ་ཚོར་ལོ་ཚད་ཡོད་རེད་དམ།
ལོ་ན་ ༡༨ ལོན་པའི་བོད་མི་སུ་ཡིན་རུང་ཚོགས་འདུར་དངོས་སུ་མཉམ་ཞུགས་གནང་ཆོག་གི་རེད།
10. ཚོགས་འདུ་འདི་གཞོན་སྐྱེས་ཁོ་ནའི་ཚོགས་འདུ་རེད་དམ།
མ་རེད། ཚོགས་འདུ་འདིར་ལོ་ ༡༨ ཡན་གྱི་བོད་མི་སུ་ཡིན་ཡང་མཉམ་ཞུགས་བྱ་ཆོག་གི་རེད། དེ་སྔ་ཨ་རིའི་ནིའུ་ཡོག་ལ་ཚོགས་པ་དེ་གཞོན་སྐྱེས་ཁོ་ནའི་ཚོགས་འདུ་རེད། རྡ་རམ་ས་ལའི་ཚོགས་འདུ་འདིར་ཚོགས་བཅར་བ་ལོ་ན་རྒན་གཞོན་བར་གསུམ་དང་། ཕོ་མོའི་གྲངས་ཚད་ཀྱང་འདྲ་མཉམ་ཡོང་ཐུབ་པར་རེ་བ་བྱེད་ཀྱི་ཡོད་པས། ཚང་མས་མཉམ་ཞུགས་གནང་རྒྱུར་རེ་སྐུལ་ཞུ་རྒྱུ་ཡིན།
11. ཚོགས་འདུའི་མཛད་རིམ་གང་འདྲ་རེད་དམ།
ཚོགས་འདུའི་མཛད་རིམ་རགས་ཟིན་ཞིག་འདིར་ཡོད། འདིར་ང་ཚོས་རིམ་པས་བཟོ་བཅོས་བྱ་རྒྱུ་ཡིན།
12. ཚོགས་འདུའི་རིང་སྡོད་ས་དང་ཁ་ལག་གོ་སྒྲིག་ཡོད་རེད་དམ།
རེད། ཁ་ལག་དང་སྡོད་ས་ང་ཚོས་མཐུན་འགྱུར་གྲ་སྒྲིག་བྱེད་རྒྱུ་ཡིན།
13. ང་ཚོགས་འདུར་མཉམ་ཞུགས་བྱ་འདོད་འདུག འོན་ཀྱང་ལམ་གྲོན་རོགས་རམ་གནང་གི་རེད་དམ།
ཐོག་མར་ཁྱེད་ནས་ཐོ་འགོད་གནང་རོགས། ལམ་གྲོན་རོགས་རམ་སྐོར་དེ་ང་ཚོས་རྗེས་སུ་གསལ་བསྒྲགས་བྱ་རྒྱུ་་ཡིན།
14. ང་ལ་གོང་གི་གསལ་བཤད་ནང་མ་ཚུད་པའི་དྲི་བ་ཞིག་ཡོད།
ལགས་སོ། ང་ཚོར་གློག་འཕྲིན་འདིའི་ཐོག་ལ་འབྲེལ་བ་གནང་རོགས། united@future-of-tibet.org
15. ཚོགས་འདུར་ཐོ་འགོད་མ་བྱས་གོང་གནས་ཚུལ་མང་ཙམ་ཤེས་འདོད་ཡོད།
འགྲིག་གི་རེད། ཞིབ་ཕྲའི་གནས་ཚུལ་ཁག་ང་ཚོའི་ངོ་དེབ་སོགས་སྤྱི་ཚོགས་དྲ་ཁག་ལ་སྤེལ་རྒྱུ་ཡིབན་པས་དེ་དག་ལ་དོ་སྣང་གནང་རོགས། གལ་སྲིད་ཁྱེད་ཀྱི་ང་ཚོའི་ཡིག་འབྲེལ་མིང་གཞུང་ནང་ཐོ་འགོད་གནང་ཚེ་ང་ཚོས་ཁྱེད་ཀྱི་གློག་འཕྲིན་ཐོག་རིམ་པས་གནས་ཚུལ་ཁག་གཏོང་རྒྱུ་ཡིན། https://future-of-tibet.org/en/home/about-us-contact/sign-up-to-our-mailing-list/
16. ངས་ཚོགས་འདུར་དང་བླངས་རོགས་པ་བྱེད་འདོད་འདུག་པས་འགྲིག་གི་རེད་དམ།
དེ་ཧ་ཅང་ཡག་པོ་འདུག ཁྱེད་ཀྱིས་ང་ཚོའི་གློག་འཕྲིན་ཐོག་འབྲེལ་བ་གནང་རོགས། united@future-of-tibet.org
