༡) བོད་ཀྱི་མདུན་ལམ་ལ་ཕན་ནུས་ངེས་ཅན་ཡོད་པའི་ཕུལ་བྱུང་གི་དགོངས་འཆར་དང་རྩོམ་ཡིག་ཁག་བསྡུ་སྒྲིག་གིས་དཔེ་དེབ་པར་སྐྲུན་ཞུ་རྒྱུ།
༢) བྱང་ཨ་རི་དང་། ཡུ་རོབ། རྒྱ་གར་བཅས་ཀྱི་ས་གནས་གལ་ཆེན་གསུམ་ལ་བོད་ཀྱི་གནད་དོན་ལ་སེམས་ཁུར་ཆེ་བའི་བོད་མི་འདུ་འཛོམས་ཀྱི་བཞུགས་མོལ་ཚོགས་འདུ་ཁག་གསུམ་གོ་སྒྲིག་ཞུས་ཏེ་བོད་ཀྱི་མདུན་ལམ་ཆེད་དུ་གལ་ཆེའི་བརྗོད་གཞི་ཁག་ལ་བགྲོ་གླེང་བྱ་རྒྱུ།
༣) བོད་ཕྱི་ནང་གཉིས་དང་འཛམ་གླིང་ས་ཕྱོགས་གང་ས་ནས་མ་འོངས་བོད་ཀྱི་མདུན་ལམ་ལ་སྨན་པའི་དགོངས་འཆར་རྣམས་གཟིགས་རྟོགས་ཐུབ་པ་ཡོང་ཆེད་དུ། རྩོམ་ཡིག་དང་བརྙན་འཕྲིན་ཁག་དྲ་རྒྱའི་ཐོག་བཞག་ནས་བོད་ཕྱི་ནང་གི་སྲིད་འབྱོར་རིག་གསུམ་དང་འབྲེལ་བའི་ལས་དོན་ལ་ཁྱོན་ཡོངས་ནས་གོ་རྟོགས་གཏིང་ཟབ་དང་ནུས་པ་མཐོར་འདེགས་གཏོང་ཐབས་ཞུ་རྒྱུ་ཡིན།
