བོད་ཀྱི་ཡུལ་མི་སུ་རུང་ནས་བོད་ཀྱི་སྐད་ཡིག་རིག་གཞུང་སྲུང་སྐྱོབ་བྱ་ཕྱོགས་དང་། ཁོར་ཡུག་སྲུང་སྐྱོབ་བྱ་ཕྱོགས། བོད་ཕྱི་ནང་གི་འབྲེལ་ལམ་ཡར་རྒྱས་རྒྱུན་འཁོངས་ཡོང་ཐབས། བོད་མིའི་ངོ་བོ་གསོན་གནས་ཐུབ་ཐབས། བཙན་བྱོལ་བོད་མིིའི་སྒྲིག་འཛུགས་སྲ་བརྟན་ཚགས་ཚུད་ཡོང་ཐབས། རྒྱལ་སྤྱིའི་ནང་བོད་དོན་ལས་འགུལ་གྱི་ནུས་སྟོབས་གོང་སྤེལ་གཏོང་ཐབས། མི་རབས་གསར་པའི་བོད་ཀྱི་ན་གཞོན་ཚོར་བོད་མིའི་ལ་རྒྱ་དང་ངོ་བོ་གཏན་འཇགས་ཡོང་ཐབས་སོགས་ཀྱི་དགོངས་འཆར་རྩོམ་ཡིག་ཤོག་གྲངས་གཉིས་ལས་མ་མང་བའམ། སྐར་མ་བཅུ་ལས་མ་མང་བའི་བརྙན་འཕྲིན་བཟོས་ཏེ་འདི་ག་བོད་ཀྱི་མདུན་ལམ་ལས་འགུལ་གོ་སྒྲིག་ཚོགས་ཆུང་ལ་བཏང་བ་དང་། ཡང་ན་འདི་ནས་གོ་སྒྲིག་ཞུ་རྒྱུའི་ཨ་རི་དང་། ཡུ་རོབ། རྒྱ་གར་བཅས་ལ་ཚོགས་རྒྱུའི་བཞུགས་མོལ་ཚོགས་འདུར་མཉམ་ཞུགས་ཀྱིས་ལས་འགུལ་འདི་ནུས་པ་ལྡན་པ་ཡོང་ཐབས་ལ་ནུས་པ་མཉམ་སྤུངས་བྱ་རྒྱུར་རེ་སྐུལ་ཞུ་རྒྱུ་ཡིན།
