༄༅། །མཁྱེན་ཡངས་འཐབ་གྲོགས་རྣམ་པའི་སྙན་ལམ་དུ།
ཆེད་ཞུ། ངོས་གཉིས་ནི་ཕྱི་ལོ་ ༡༩༨༠ གྱ་གྲངས་ནས་གཞོན་དུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་མི་ཧུར་བསྐྱེད་ཅན་གྱི་ངོ་ཤེས་རྙིང་པ་གཅིག་ཡིན་ཅིང་། དུས་དེ་ནས་བཟུང་འབྲེལ་བ་མུ་མཐུད་ཡོད་པ་མ་ཟད། སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ནང་སྤྱི་འཐུས་ཀྱི་འགན་འཁུར་ཡང་མཉམ་དུ་བླངས་ཡོད། ད་ཆ་ལོ་ན་རྒན་དུ་སོང་བ་དང་ཆབས་ཅིག་བསམ་བློའི་གོ་རྟོགས་ཀྱང་གང་ཙམ་བཟང་དུ་སོང་བར་བརྟེན་བོད་ཀྱི་འཐབ་རྩོད་ཀྱི་གནས་བབ་དང་རང་རེའི་སྤྱི་ཚོགས་ནང་གི་ཆོལ་ཁའི་འཐེན་འཁྱེར་སོགས་མེད་པར་བཟོ་ཐབས་དང་འབྲེལ་བའི་གླེང་མོལ་བསམ་ཚུལ་བརྗེ་ལེན་བྱེད་ཀྱི་ཡོད་པས། དེ་ལྟར་བྱས་པའི་བརྒྱུད་རིམ་ནང་ངོས་གཉིས་ཆབ་སྲིད་ཀྱི་བསམ་ཚུལ་འཛིན་སྟངས་ལ་བལྟ་ཚུལ་མི་མཐུན་པ་ཡོད་ནའང་། བོད་སྤྱིའི་འགན་འཁུར་དང་གཞོན་ནུའི་འགོ་ཁྲིད་ཀྱི་འདས་པའི་ཉམས་མྱོང་དང་རེ་བའི་རྨི་ལམ་བཅས་ལ་ཐོུང་གི་ལྟ་ཚུལ་གཅིག་གྱུར་ཡོད། དེ་དང་ད་ཆ་བོད་དོན་འཐབ་རྩོད་ཀྱི་རང་བཞིན་སྔར་བས་ཛ་དྲག་ཆེ་རུ་སོང་བའི་ཚོར་སྣང་ཆེན་པོ་ཡོད་མཁན་ཡང་གཅིག་གྱུར་ཡིན།
སྤྱི་ལོ་ ༢༠༢༠ ལོར་བོད་ཀྱི་གཞོན་ནུ་ལྷན་ཚོགས་དང་ཡོ་རོབ་བོད་ཀྱི་གཞོན་ནུའི་མཐུན་ཚོགས་གཉིས་དབུ་བརྙེས་ནས་མི་ལོ་ལྔ་བཅུ་འཁོར་བའི་དུས་དྲན་སྲུང་རྩིས་ཞུ་རྒྱུ་ཡིན་པ་དང་། སྐབས་དེར་མ་འོངས་བོད་ཀྱི་གནད་དོན་ལ་སེམས་འཁུར་དང་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གསེར་ཞལ་འཚོ་བཞུགས་མ་བྱུང་བའི་དུས་སྐབས་ཤར་ཚེ་བོད་ཀྱི་གནད་དོན་ཇི་ཆགས་ལ་སེམས་འཚབ་གནང་མང་པོ་ཞིག་ལྷན་འཛོམས་གནང་རྒྱུ་ཡིན་ངེས་རེད།
སྒྲིག་འཛུགས་དེ་གཉིས་ཀྱིས་བོད་པའི་ན་གཞོན་ཚོར་སྙིང་སྟོབས་ཆེན་པོས་མང་གཙོའི་བསམ་བློ་གོང་སྤེལ་དང་། རང་དབང་རང་བཙན་གྱི་བོད་རྒྱལ་ཁབ་བསྐྲུན་རྒྱུའི་ལམ་བུ་གཏོད་རྒྱུར་གོ་སྐབས་བསྐྲུན་ཡོད། ང་ཚོར་རེ་བ་བྱས་པ་བཞིན་གྲུབ་འབྲས་བྱུང་མེད་ཅིང་། ད་ལྟའི་དངོས་ཡོད་གནས་སྟངས་དེ་འདས་པའིགནས་སྟངས་ལ་བསྡུར་ཐབས་མེད་ཀྱང་། ལོ་རྗེས་མ་ནི་བོད་རང་དབང་འཐབ་རྩོད་ཀྱི་འདས་པའི་གནས་ཚུལ་ལ་བསྔོག་བཤེར་བྱ་རྒྱུ་མིན་པར་མ་འོངས་པའི་ཁ་ཕྱོགས་གང་ལ་བསྐྱོད་རྒྱུའི་ནན་ཏན་གྱིས་དབྱེ་ཞིབ་བྱེད་པའི་གོ་སྐབས་བཟང་པོ་ཞིག་ཀྱང་རེད་སྙམ།
བོད་ལ་སྐྱེས་པ་དང་ཡང་ན། བཙན་བྱོལ་ལ་འབྱོར་མཚམས་སུ་སྐྱེས་མཁན་ང་ཚོའི་མི་རབས་རྣམས་ད་ཆ་སྤྱི་ཚོགས་ཀྱི་མི་རབས་རྒན་པའི་གྲས་སུ་སླེབས་ཡོད་ནའང་། མི་རབས་དེ་ལ་བོད་དོན་འཐབ་རྩོད་ཐོག་འགན་འཁུར་འཕར་མ་ཡོད་པར་ངོས་འཛིན་བྱེད་ཀྱི་ཡོད་པས་སྤྱི་ལོ་ ༢༠༢༠ ལོར་ལས་འགུལ་ཞིག་འགོ་འཛུགས་བྱ་རྒྱུའི་འདུན་པ་བསྐྱེད་བྱུང་།
དེ་ལྟར་ན་བོད་རྒྱལ་ཁབ་དང་མི་རིགས་ལ་གདོང་ལེན་བྱེད་དགོས་པའི་ཛ་དྲག་གནད་དོན་དང་བོད་དོན་འཐབ་རྩོད་རྒྱུན་གནས་དང་གདོང་ལེན་བྱེད་ཕྱོགས་བཅས་ལ་གུ་བཤང་དང་བཟང་ཕྱོགས་རེ་བ་ལྡན་པར་གོ་བསྡུར་སྦྱང་བཤད་བྱས་ཏེ་བོད་དོན་འཐབ་རྩོད་ལ་ཆོད་སེམས་བསྐྱར་གསོ་བྱེད་རྒྱུར་བོད་ཀྱི་གཞོན་ནུ་ལྷན་ཚོགས་ཀྱི་འགོ་ཁྲིད་ཟུར་པ་རྣམས་ཀྱིས་ཚོགས་ཆེན་ཞིག་འདུ་བསྐོང་གནང་དགོས་པ་དང་། དེའི་ནང་བོད་པ་སུ་ཡང་མཉམ་ཞུགས་ཆོག་པའི་ཚོགས་ཆེན་་ཞིག་འདུ་བསྐོང་གནང་དགོས་པའི་བསྐུལ་བྱེད་ཀྱི་ཡོད། དེ་ཡང་ཨ་རི་དང་། ཡོ་རོབ། རྒྱ་གར་བཅས་ས་གནས་གསུམ་དུ་འདུ་འཛོམས་རེ་བསྐོང་ཚོགས་གནང་རྒྱུར་གྲོས་འཆར་འདོན་གྱི་ཡོད།
ངོས་གཉིས་ནས་བོད་ཀྱི་གཞོན་ནུའི་ལྷན་ཚོགས་དང་ཡོ་རོབ་བོད་ཀྱི་གཞོན་ནུའི་མཐུན་ཚོགས་གསར་འཛུགས་གནང་མཁན་གཙོ་གྲས་རྣམས་དང་སྒྲིག་འཛུགས་གཉིས་དབུས་རྒྱུན་ལས་ཟུར་པ་རྣམས། དེ་བཞིན་ད་ལྟའི་དབུས་རྒྱུན་ལས་པ་བཅས་ལ་བསམ་ཚུལ་འདི་ངོ་སྤྲོད་ཞུ་རྒྱུ་འགོ་འཛུགས་ཟིན་ཡོད་ཅིང་། ཁྱེད་རྣམས་ཀྱི་དགོངས་འཆར་དང་ལམ་སྟོན་ཇི་ཡོད་སྤྱི་ཟླ་ ༨ ཚེས་ ༣༠ ནང་ཚུན་ངོས་གཉིས་ལ་གནང་ཐབས་ཡོང་བའི་འབོད་བསྐུལ་ཞུ། མཐའ་དོན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་སྐུ་ཚེ་བརྟེན་ཅིང་ཐུགས་བཞེད་མཐའ་དག་ལྷུན་གྱིས་འགྲུབ་པའི་སྨོན་ལམ་བཅས་བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁྱབ་དྲུང་ཆེ་ཟུར་པ་བཀྲ་ཤིས་རྣམ་རྒྱལ་དང་ཡོ་རོ་བོད་ཀྱི་གཞོན་ནུའི་མཐུན་ཚོགས་ཀྱི་ཚོགས་གཙོ་ཟུར་པ་བཀྲས་མཐོང་བསྟན་འཛིན་དབང་པོ་ཟུང་གིས་འཚམས་འདྲི་བཅས་ ༢༠༡༩ ཟླ་བ་ ༨ ཚེས་ ༤ ཉིན།
ཆེད་ཞུ། ངོས་གཉིས་ནི་ཕྱི་ལོ་ ༡༩༨༠ གྱ་གྲངས་ནས་གཞོན་དུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་མི་ཧུར་བསྐྱེད་ཅན་གྱི་ངོ་ཤེས་རྙིང་པ་གཅིག་ཡིན་ཅིང་། དུས་དེ་ནས་བཟུང་འབྲེལ་བ་མུ་མཐུད་ཡོད་པ་མ་ཟད། སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ནང་སྤྱི་འཐུས་ཀྱི་འགན་འཁུར་ཡང་མཉམ་དུ་བླངས་ཡོད། ད་ཆ་ལོ་ན་རྒན་དུ་སོང་བ་དང་ཆབས་ཅིག་བསམ་བློའི་གོ་རྟོགས་ཀྱང་གང་ཙམ་བཟང་དུ་སོང་བར་བརྟེན་བོད་ཀྱི་འཐབ་རྩོད་ཀྱི་གནས་བབ་དང་རང་རེའི་སྤྱི་ཚོགས་ནང་གི་ཆོལ་ཁའི་འཐེན་འཁྱེར་སོགས་མེད་པར་བཟོ་ཐབས་དང་འབྲེལ་བའི་གླེང་མོལ་བསམ་ཚུལ་བརྗེ་ལེན་བྱེད་ཀྱི་ཡོད་པས། དེ་ལྟར་བྱས་པའི་བརྒྱུད་རིམ་ནང་ངོས་གཉིས་ཆབ་སྲིད་ཀྱི་བསམ་ཚུལ་འཛིན་སྟངས་ལ་བལྟ་ཚུལ་མི་མཐུན་པ་ཡོད་ནའང་། བོད་སྤྱིའི་འགན་འཁུར་དང་གཞོན་ནུའི་འགོ་ཁྲིད་ཀྱི་འདས་པའི་ཉམས་མྱོང་དང་རེ་བའི་རྨི་ལམ་བཅས་ལ་ཐོུང་གི་ལྟ་ཚུལ་གཅིག་གྱུར་ཡོད། དེ་དང་ད་ཆ་བོད་དོན་འཐབ་རྩོད་ཀྱི་རང་བཞིན་སྔར་བས་ཛ་དྲག་ཆེ་རུ་སོང་བའི་ཚོར་སྣང་ཆེན་པོ་ཡོད་མཁན་ཡང་གཅིག་གྱུར་ཡིན།
སྤྱི་ལོ་ ༢༠༢༠ ལོར་བོད་ཀྱི་གཞོན་ནུ་ལྷན་ཚོགས་དང་ཡོ་རོབ་བོད་ཀྱི་གཞོན་ནུའི་མཐུན་ཚོགས་གཉིས་དབུ་བརྙེས་ནས་མི་ལོ་ལྔ་བཅུ་འཁོར་བའི་དུས་དྲན་སྲུང་རྩིས་ཞུ་རྒྱུ་ཡིན་པ་དང་། སྐབས་དེར་མ་འོངས་བོད་ཀྱི་གནད་དོན་ལ་སེམས་འཁུར་དང་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གསེར་ཞལ་འཚོ་བཞུགས་མ་བྱུང་བའི་དུས་སྐབས་ཤར་ཚེ་བོད་ཀྱི་གནད་དོན་ཇི་ཆགས་ལ་སེམས་འཚབ་གནང་མང་པོ་ཞིག་ལྷན་འཛོམས་གནང་རྒྱུ་ཡིན་ངེས་རེད།
སྒྲིག་འཛུགས་དེ་གཉིས་ཀྱིས་བོད་པའི་ན་གཞོན་ཚོར་སྙིང་སྟོབས་ཆེན་པོས་མང་གཙོའི་བསམ་བློ་གོང་སྤེལ་དང་། རང་དབང་རང་བཙན་གྱི་བོད་རྒྱལ་ཁབ་བསྐྲུན་རྒྱུའི་ལམ་བུ་གཏོད་རྒྱུར་གོ་སྐབས་བསྐྲུན་ཡོད། ང་ཚོར་རེ་བ་བྱས་པ་བཞིན་གྲུབ་འབྲས་བྱུང་མེད་ཅིང་། ད་ལྟའི་དངོས་ཡོད་གནས་སྟངས་དེ་འདས་པའིགནས་སྟངས་ལ་བསྡུར་ཐབས་མེད་ཀྱང་། ལོ་རྗེས་མ་ནི་བོད་རང་དབང་འཐབ་རྩོད་ཀྱི་འདས་པའི་གནས་ཚུལ་ལ་བསྔོག་བཤེར་བྱ་རྒྱུ་མིན་པར་མ་འོངས་པའི་ཁ་ཕྱོགས་གང་ལ་བསྐྱོད་རྒྱུའི་ནན་ཏན་གྱིས་དབྱེ་ཞིབ་བྱེད་པའི་གོ་སྐབས་བཟང་པོ་ཞིག་ཀྱང་རེད་སྙམ།
བོད་ལ་སྐྱེས་པ་དང་ཡང་ན། བཙན་བྱོལ་ལ་འབྱོར་མཚམས་སུ་སྐྱེས་མཁན་ང་ཚོའི་མི་རབས་རྣམས་ད་ཆ་སྤྱི་ཚོགས་ཀྱི་མི་རབས་རྒན་པའི་གྲས་སུ་སླེབས་ཡོད་ནའང་། མི་རབས་དེ་ལ་བོད་དོན་འཐབ་རྩོད་ཐོག་འགན་འཁུར་འཕར་མ་ཡོད་པར་ངོས་འཛིན་བྱེད་ཀྱི་ཡོད་པས་སྤྱི་ལོ་ ༢༠༢༠ ལོར་ལས་འགུལ་ཞིག་འགོ་འཛུགས་བྱ་རྒྱུའི་འདུན་པ་བསྐྱེད་བྱུང་།
དེ་ལྟར་ན་བོད་རྒྱལ་ཁབ་དང་མི་རིགས་ལ་གདོང་ལེན་བྱེད་དགོས་པའི་ཛ་དྲག་གནད་དོན་དང་བོད་དོན་འཐབ་རྩོད་རྒྱུན་གནས་དང་གདོང་ལེན་བྱེད་ཕྱོགས་བཅས་ལ་གུ་བཤང་དང་བཟང་ཕྱོགས་རེ་བ་ལྡན་པར་གོ་བསྡུར་སྦྱང་བཤད་བྱས་ཏེ་བོད་དོན་འཐབ་རྩོད་ལ་ཆོད་སེམས་བསྐྱར་གསོ་བྱེད་རྒྱུར་བོད་ཀྱི་གཞོན་ནུ་ལྷན་ཚོགས་ཀྱི་འགོ་ཁྲིད་ཟུར་པ་རྣམས་ཀྱིས་འདུ་འཛོམས་ཞིག་འདུ་བསྐོང་གནང་དགོས་པ་དང་། དེའི་ནང་བོད་ཕྱི་ནང་གཉིས་ནས་སུ་ཡང་མཉམ་ཞུགས་ཆོག་པ་དང་ དེ་ཡང་ཨ་རི་དང་། ཡོ་རོབ། རྒྱ་གར་བཅས་ས་གནས་གསུམ་དུ་འདུ་འཛོམས་རེ་བསྐོང་ཚོགས་གནང་རྒྱུར་གྲོས་འཆར་འདོན་གྱི་ཡོད།
ངོས་གཉིས་ནས་བོད་ཀྱི་གཞོན་ནུའི་ལྷན་ཚོགས་དང་ཡོ་རོབ་བོད་ཀྱི་གཞོན་ནུའི་མཐུན་ཚོགས་གསར་འཛུགས་གནང་མཁན་གཙོ་གྲས་རྣམས་དང་སྒྲིག་འཛུགས་གཉིས་དབུས་རྒྱུན་ལས་ཟུར་པ་རྣམས། དེ་བཞིན་ད་ལྟའི་དབུས་རྒྱུན་ལས་པ་བཅས་ལ་བསམ་ཚུལ་འདི་ངོ་སྤྲོད་ཞུ་རྒྱུ་འགོ་འཛུགས་ཟིན་ཡོད་ཅིང་། ཁྱེད་རྣམས་ཀྱི་དགོངས་འཆར་དང་ལམ་སྟོན་ཇི་ཡོད་སྤྱི་ཟླ་ ༨ ཚེས་ ༢༠ ནང་ཚུན་ངོས་གཉིས་ལ་གནང་ཐབས་ཡོང་བའི་འབོད་བསྐུལ་ཞུ། མཐའ་དོན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་སྐུ་ཚེ་བརྟེན་ཅིང་ཐུགས་བཞེད་མཐའ་དག་ལྷུན་གྱིས་འགྲུབ་པའི་སྨོན་ལམ་བཅས་བོད་ཀྱི་གཞོན་ནུ་ལྷན་ཚོགས་དབུས་སྤྱི་ཁྱབ་དྲུང་ཆེ་ཟུར་པ་བཀྲ་ཤིས་རྣམ་རྒྱལ་དང་ཡོ་རོ་བོད་ཀྱི་གཞོན་ནུའི་མཐུན་ཚོགས་ཀྱི་ཚོགས་གཙོ་ཟུར་པ་བཀྲས་མཐོང་བསྟན་འཛིན་དབང་པོ་ཟུང་གིས་འཚམས་འདྲི་བཅས་ ༢༠༡༩ ཟླ་བ་ ༨ ཚེས་ ༥ ཉིན།
