ལྷན་ཚོགས་ཀྱི་སྙན་ཐོ། སྤྱི་ལོ་ ༢༠༤༠ ། བོད་ཀྱི་མ་འོངས་པའི་མདུན་ལམ་གྱི་འཆར་སྣང་ཚན་པ་བཞི།
འདིར་གཟིགས་རོགས། སྙན་ཐོ་ བོད་ཀྱི་མ་འོངས་པའི་མདུན་ལམ་གྱི་འཆར་སྣང་ཚན་པ་བཞི་(pdf)
བོད་ཀྱི་མདུན་ལམ་གྱི་འཆར་སྣང་ཞིབ་འཇུག་དང་འབྲེལ་བའི་རྒྱུན་གཏན་གྱི་དྲི་བ་ཁག
༡: དྲི་བ་དང་པོ། ཁྱེད་ཚོར་སྙན་ཐོ་འདི་ཡི་ཐོག་ལ་ལམ་སྟོན་གནང་མཁན་དེ་འདྲ་ཡོད་དམ།
ལན།
འཆར་སྣང་ཞིབ་འཇུག་གི་ཐབས་ཇུས་འདིར་(Reos Partners)ཞེས་པའི་ཆེད་ལས་ཚོགས་པ་དེས་ང་ཚོར་རྒྱུན་སྟོན་གནང་ཡོད། ཚོགས་པ་དེས་རྒྱུན་གཏན་སྤྱི་ཚོགས་ཀྱི་གནད་དོན་འདྲ་མིན་ཐོག་ཆེད་མཁས་པའི་ངོ་བོའི་ཐོག་ནས་ཐབས་བྱུས་སྣང་མང་གི་ཐོག་ནས་སྤྱི་ཚོགས་ཤིག་འགྱུར་བཅོས་འགྲོ་བར་རོགས་རམ་བྱེད་ཀྱི་ཡོད།
མ་ཟད་སྤྱི་ལོ་ ༡༩༩༠ ནང་ལྷོ་ཨ་ཧྥི་རི་ཁའི་“Mont Fleur”ཞེས་པའི་འཆར་སྣང་ཞིབ་འཇུག་གི་བྱ་བ་དེས་རིགས་མི་འདྲ་བའི་འགོ་ཁྲིད་རྣམས་ཕྱོགས་གཅིག་ལ་ཁྲིད་ནས་མང་བཙོའི་ལམ་ལ་གོམ་སྟབས་སྤོས་པའི་དོན་དངོས་དེས་ང་ཚོར་སེམས་འགུལ་ཐེབས་བྱུང་།
༢: དྲིབ་གཉིས་པ། ཁྱེད་ཚོའི་འཆར་སྣང་ཞིབ་འཇུག་འདིར་བོད་ནང་གི་བོད་མི་ཚུད་ཡོད་དམ།
ལན།
བོད་ནང་འབྲེལ་བ་བྱ་རྒྱུ་དུ་ཤིན་ཏུ་ནས་དཀའ་ལས་ཁག་པོ་ཞིག་ཡིན་པས་ང་ཚོས་ཚོགས་འདུ་ཚང་མ་བཙན་བྱོལ་ནང་ཚོགས་པ་རེད། འོན་ཀྱང་ང་ཚོའི་ལྷན་ཚོགས་ཁག་ལ་བོད་ནས་སྔ་རྗེས་རིམ་པར་ཕེབས་པའི་མི་མང་པོ་མཉམ་བཞུགས་ཀྱིས་དགོངས་འཆར་གནང་ཡོད།
༣: དྲི་བ་གསུམ་པ། ཁྱེད་ཚོས་གྲུབ་འབྲས་གང་འདྲ་ཞིག་ཡོང་བར་རེ་བ་བྱེད་ཀྱི་ཡོད།
ལན།
ང་ཚོས་བོད་དང་བོད་མིའི་ཐུན་མོང་གི་མ་འོངས་པའི་མདུན་ལམ་ཆེད་དུ་རིགས་མི་འདྲ་བའི་བསམ་ཚུལ་དང་། གུ་ཡངས་པའི་ཁོར་ཡུག ཕྱི་གསལ་ནང་གསལ་གྱི་བགྲོ་གླེང་ཞིག་ཡོང་ཐུབ་པར་རེ་བ་བྱེད་ཀྱི་ཡོད།
༤: དྲི་བ་བཞི་པ། མི་དམངས་ལ་འདིས་ཕན་ཐོག་གང་ཡོད་དམ།
ལན།
མི་དམངས་ཚོས་སྙན་ཐོ་འདི་བརྒྱུད་ནས་འཛམ་གླིང་གི་ས་ཕྱོགས་མི་འདྲ་བ་ཨ་རི་དང་། ཡུ་རོབ། རྒྱ་གར་སོགས་ནས་བོད་ཀྱི་མ་འོངས་པའི་མདུན་ལམ་ཐོག་བསམ་ཚུལ་འདྲ་མིན་སྣ་ཚོགས་ཡོད་པ་གཟིགས་རྟོགས་ཐུབ་རྒྱུ་རེད།
༥: དྲི་བ་ལྔ་པ། བོད་པའི་མཐུན་སྒྲིལ་གྱི་སྟོབས་ཤུགས་ཟེར་ན་ག་རེ་ཟེར་གྱི་ཡོད་དམ།
ལན།
འདིར་ངེས་གཏན་གྱི་འགྲེལ་བརྗོད་ཞིག་བྱེད་དཀའ་བ་རེད། འོན་ཀྱང་ཐུན་མོང་གི་དམིགས་ཡུལ་དེ་གྲུབ་ཆེད་དུ་བསམ་ཚུལ་ཚང་མ་ཐུན་མིན་ལ་མ་ལྟོས་པར་མཉམ་དུ་ལས་ཀ་ཤིག་བྱེད་ཐུབ་པར་གོ་ན་ཆོག་པ་ཡིན།
ཟབ་སྦྱོང་སྐབས་འདིར་དབྱེ་བ་ཁག་གསུམ་ཙམ་ཕྱེ་ཡོད། ༡) བཙན་བྱོལ་བོད་མིའི་དབར་གྱི་མཐུན་སྒྲིལ། ༢) བོད་ནང་གི་བོད་མིའི་དབར་གྱི་མཐུན་སྒྲིལ། ༣) བོད་ཕྱི་ནང་གི་བོད་མིའི་དབར་གྱི་མཐུན་སྒྲིལ་བཅས་ཡིན།
༦: དྲི་བ་དྲུག་པ། ༧གོང་ས་མཆོག་གི་ཡང་སྲིད་སྐོར་དེ་གང་འདྲ་རེད་དམ།
ལན།
༧གོང་ས་མཆོག་གི་ཡང་སྲིད་སྐོར་དེ་གནད་དོན་གལ་ཆེ་ཤོས་ཤིག་རེད་འདུག དེའི་སྐོར་ང་ཚོའི་འཆར་སྣང་ཞིབ་འཇུག་ཁག་ཚང་མའི་ནང་ཞིབ་ཚང་ངང་འགྲེལ་བརྗོད་ཞུས་ཡོད།
༧: དྲི་བ་བདུན་པ། གནས་སྟངས་ཚང་མ་ང་ཚོས་བསམ་པ་ལས་མགྱོགས་པ་ཡོང་སྲིད་པ་དང་ཡང་ན་དེ་ལས་ཕྱི་བ་ཡོང་སྲིད་པས། དེས་ན་ང་ཚོས་གང་བྱེད་དགོས་སམ།
ལན།
དེ་བདེན་པ་རེད། གནས་སྟངས་ག་རེ་ཡིན་ན་ཡང་ཡོང་སྲིད་པ་རེད། གནས་སྟངས་དེ་ཚོ་དུས་ཚོད་སྔ་ཕྱི་གང་འདྲ་ཞིག་ལ་བྱུང་ན་ཡང་ང་ཚོས་གྲོས་བསྡུར་བྱས་པའི་གྲུབ་དོན་དེ་ཚོས་གཏན་གཏན་ཕན་ཐོག་ཡོང་ངེས་པར་ང་ཚོས་ཡིད་ཆེས་བྱེད་ཀྱི་ཡོད།
ག་རེ་བྱེད་དགོས་སམ་ཟེར་དུས་ང་ཚོས་འདི་དང་འདི་བྱེད་དགོས་ཟེར་བའི་ཐབས་ཇུས་གཏན་ཁེལ་བ་ཞིག་བཟོས་མེད། འདི་ནི་ཚང་མས་མོས་མཐུན་བྱེད་དགོས་པའི་གནས་སྟངས་ཤིག་ཆགས་ཡོད། ང་ཚོས་མ་འོངས་པར་ཡོང་སྲིད་པའི་གནས་སྟངས་མང་པོ་གསལ་པོ་བཟོ་ཐབས་བྱས་ཡོད་པས་དེར་གདོང་ལེན་ཇི་ལྟར་བྱ་མིན་དེ་ཁྱེད་ལ་རག་ལུས་ཡོད།
༨: དྲི་བ་བརྒྱད་པ། ངང་པ་ནག་པོ་(སེམས་མི་ཐུབ་པ་ཞིག་བསམས་པ།) གྲུབ་ཆ་དེ་གང་རེད་དམ།
ལན།
ང་ཚོས་ཟབ་སྦྱོང་སྐབས་དངོས་ཡོད་གནས་ཚུལ་དང་མཐུན་གང་ཐུབ་བྱས་ཡོད། མ་ཟད་དེ་དག་གལ་གནད་ཆེ་ཆུང་དང་ཡིད་གཏན་ཡོད་མེད་སོགས་ལ་དབྱེ་བ་ཕྱེ་ཡོད། ངང་པ་ནག་པོའི་གནས་སྟངས་(རང་བྱུང་གོད་ཆགས། ནད་ཡམས། ཡང་ན་འགོད་ཁྲིད་གཙོ་བོར་ཤུགས་རྐྱེན་ཐེབས་པའི་གནས་སྟངས་) བྱུང་བ་ཡིན་ན་ཡང་དོ་སྣང་བྱེད་དགོས་པའི་གཙོ་གནད་དང་དོན་དངོས་ཀྱི་སྒྲོམ་གཞི་ཁག་ལ་འབྲེལ་བ་ཆགས་ཐུབ་ཀྱི་རེད་འདོད་ཀྱི་ཡོད།
༩: དྲིབ་བ་དགུ་པ། ང་ཚོའི་གནས་སྟངས་འདི་དག་ནང་གོ་སྐབས་འཛིན་ཐུབ་པའི་གནས་སྟངས་གང་འདྲ་ཡོད་དམ།
ལན།
ག་རེ་བྱེད་དགོས་མིན་སྐོར་ལ་ང་ཚོས་གནས་སྟངས་མི་འདྲ་བ་འདི་དག་ནང་ཐབས་ཤེས་གཏན་ཁེལ་བ་གང་ཡང་གསལ་སྟོན་བྱས་མེད། གང་ཡིན་ཞེ་ན་འདི་ནི་འདི་ནི་ཚང་མས་གྲོས་བསྡུར་དང་མོས་མཐུན་བྱེད་དགོས་པའི་གནད་དོན་ཞིག་ཡིན། ང་ཚོས་འབྱུང་སྲིད་པའི་མ་འོངས་པ་དེ་ཚོ་གསལ་སྟོན་བྱས་ཡོད། ག་རེ་བྱེད་དགོས་མིན་ཁྱེད་རང་ལ་རག་ལུས་ཡོད།
༡༠: དྲི་བ་བཅུ་པ། གལ་ཏེ་སུ་ཞིག་ལ་ཚོགས་ཆེན་གྱི་སྙན་ཐོ། ཡང་ན་སྤྱིར་བཏང་བོད་ཀྱི་མ་འོངས་པའི་བོད་ཀྱི་མདུན་ལམ་ལས་གཞིའི་སྐོར་ལ་བསམ་འཆར་ཡོད་ན་ཇི་ལྟར་འདོན་དགོས་སམ།
ལན།
རེད། ང་ཚོས་བསམ་འཆར་དང་བསམ་ཚུལ་གང་ཡིན་ཡང་དགའ་བསུ་ཞུ་རྒྱུ་ཡིན་པས། ཁྱེད་ཀྱིས་གཤམ་གྱི་དྲ་ཐག་འདིའི་ཐོག་ལ་བསམ་ཚུལ་བསྐུར་ཆོག་པ་ཡིན། https://forms.gle/RqDqjzCC8rUKWvPy6
